هو اية يعنى ؟؟

ياترى اية شعورك لما تشوف واحد قاعد فى وسط الطريق وحالته مزرية وبيقسم رغيف عيش ناشف عامل زى الحجر مع ولاده عشان مش لاقين ياكلو .... ومادد ايده للناس مستنى اى صدقة او اى منة من اى حد معدى عشان يعيش ؟؟؟ ياترى اية شعورك لما تشوف واحد مشلول ماشى فى الطريق والناس معدية من جمبه تتريق عليه ؟؟؟ ياترى اية شعورك لما تشوف واحد فقد عقله هائم على وجهه فى الطريق والناس قاعدة تشتغله ومبسوطين اوى ؟؟؟ لا حول ولا قوة الا بالله ..... حاجات تقطع القلب وتخليه يتحرك من مكانه .... ذنبه اية اللى فقد عقله او اللى مخه خف ده انه يتعامل كده ,,, وفى موقف يحضرنى ,, كنت راجع من المنصورة وراكب العربية عادى وفى واحد قاعد ورايا اعتقدت فى الاول انه بيهزر او بيستهبل ..... ومكنش عارف هو عاوز يروح فين والسواق يقوله طيب خلاص انزل ... قاله انزل ازاى مش هتخد اجرتك ,, السواق يقوله يا سيدىمش عاوز حاجة بس انزل بقى ... يقوله لا .. يخد السواق 20 جنيه منه ويرجعله 15 جنيه وفى مرة تانية يرجعله 17 جنيه والراجل يقوله اية ده هى فية الفلوس فين الباقى ..... وفاصل من الضحك والسخرية من السواق والسباب المحترم جدا طبعا امثال السب بالدين ,, مهما ان وصفت اموقف مش هينفع يتوصف الا لما تعيشه وتشوفه فعلا ... بس لما بصيت على الراجل لقيته مخبوط على دماغه وباين متخيطة وملزوقة ... شكلها كانت خبطة جامدة اكيد اثرت عليه او فقد الذاكرة مؤقتا .... اى انا كان مش هو ده خلق المسلم ... مش هى دى اخلاق المسلمين ... المهم فى الاخر السواق نزل شده من العربية وراه بره وطول الطريق وهو قاعد يشتم فيه ويلعن ويسب .... انها لماساة ... وموقف اخر بسيط ... برده راجعين فى الطريق فالاتوبيس وقف لى الطريق يركب ناس وكان من ضمنهم راجل عجوز قاعد على الارض فى الشارع والناس طالعة تركب بيقولوا بمنتهى السخرية والتريقة مش هتركب قالهم لا انا مستنى القطر اللى هيعدى من هنا .... طيب خليك مستنى القطر .... الراجل كان مسهم وتحس انه فى ملكوت تانى ....... سبحان الله ولا حول ولا قوة الا بالله ... الواحد نفسه يكلم الناس دى اللى تحس انها مسهمة وتصرفاتهم غريبة وتحسن ان فى حاجة لان منظرهم بيبقى صعب اوى ... الواحد ساعتها بيقول الحمد لله الف مرة ومرة ..... مش نقلبها تريقة بدل ما نساعدهم .... هى دى اخلاق الاسلام .... بتتريق على اية ,, بتسخر من اية ,, انت مش ممكن تبقى كده فى يوم من الايام ولا بعيدة على ربنا ؟؟ انا مش عارف اية ده ... ازاى يعنى ؟؟ يا اخى كما تدين تدان ؟؟ تقعد تتريق على خلق الله وتسخر من نواقصهم ... لا اله الا الله ,, اللهم احفظنا واهدينا يا ارحم الراحمين يا الله